Sportistët me sukses ndërkombëtarë 3 muaj pa bursa, Ristovski: S’është diçka e tmerrshme, do t’i marrin përnjëherë

Sportistët që kanë arritur suksese në nivel ndërkombëtarë 2-3 muaj nuk kanë marrë nga shteti bursat që iu takojnë me ligj, përcjell TV21. I pyetur për këtë, ministri i Sportit, Borko Ristovski thotë se mjetet e vonuara financiare do të paguhen përnjëherë nga java e ardhshme.

“Ky është problemi i njëjtë si me pagat e të punësuarve, bëhet fjalë për punë teknike, nuk është diçka e tmerrshme. Ishte një vakum juridik, njëjti si për pagat, edhe për ata njerëz që marrin ndihmë shtetërore. Dhe nga java e ardhshme do t’i marrin përnjëherë të gjitha mjetet e vonuara dhe nga muaji i ardhshëm do të vijojnë rregullisht, muaj për muaj, siç duhet të jetë”, theksoi ministri i Sportit, Borko Ristovski.