I vrari në Shkup është inxhinier i ndërtimit
Personi i vrarë te parikung në QT “Mavrovasja”, është Vasil Eftimov, menaxher i firmës Mitelmont, shkruan Alsat.
Ai u vra sot nga të shtënat me armë nga një person, i cili sipas dëshmitarëve, fillimisht ia hapi bagazhin e makinës, ku ia mori një pako, e pastaj shtiu mbi të.
Eftimov, ishte i shoqëruar nga një grua kur ndodhi rasti, derisa ambulanca pas disa minutave edhe bëri konstatimin e vdekjes së tij.
Policia tashmë ka njoftuar se janë arrestuar dy persona në lidhje me rastin, derisa kanë treguar se edhe një person tjetër është në kërkim.
Nuk dihen shkaqet e kësaj vrasje ende. Të afërmit e tij për TV21 thonë se i ndjeri nuk ka pasur konflikt me dikë, dyshojnë se vrasja është bërë gabimisht.
