Azizi porosi Taravarit: Me keqardhje po ta them se je episodi i dytë i quajtur Vesel Memedi
Deputeti i VLEN-it, Adnan Azizi vlerëson se edhe Arben Taravari do të përfundojë njejtë si Vesel Memedi i cili më në fund mbeti pa parti dhe përfundoi si ambasador i Aliut në Itali.
Statusi i plotë i Azizit:
Nisi rrugës së Arbrit, përfundoi te Aliu!
Tha, po dal prej Qeverisë dhe po kthehem te populli! A në fakt, përfundoi te stanet e Aliut.
Zëra të shumtë janë ata që më kanë parashtruar pytje se, si ndodhi? Çka ndodhi? Çka i bëri vaki? Ç’ne kjo sallto mortale nga Qeveria tek BDI-ja?!
Përgjigjja ime ka qenë se, pak ka rëndësi kjo, bile aspak, duke pasur parasysh faktin se të gjithë e kemi të njëjtin konstatim se u kap, po shantazhohet dhe po detyrohet të shkojë në prehër të “hasmit”. Çdo koment tjetër është i tepërt.
Veç një gjë është e sigurt! Ata që 20 vite e luftuan BDI-në, sinonimin e krimit, korrupsionit dhe e shitjes së interesave kolektive, në këmbim të interesave personale e familjare, nuk i ke pas vetes, sado që mundohesh t’i mashtrosh me folklor patriotik.
Në gjith këtë shfaqje, të bashkëngjiten vetëm disa individë që i ke rreth vetes, e që po ashtu janë diku të kapur, njejt si ty!
E ke të kotë. Votuesi, simpatizanti, aktivisti i ASH-së nuk shkon e as nuk e voton BDI-në, asnjëherë dhe në asnje rrethenë!
Me keqardhje po duhet me ta thënë se je epizoda e dytë e quajtur Vesel Memeti, e do të përfundojsh si ai, pasi në fund, oferta e Ali Ahmetit për ty do të përfundojë me kushtin që të ikësh nga këtu, e të shkosh ambasador në ndonjë shtet ku Aliu të të ket sa më larg!
