Ibrahimi: Sot Shkupi e ka humbur njeriun që gjithë jetën e kishte Kuran

Ka ndërruar jetë hafizi nga Shkupi, Sadudin Sulejmani i cili shërbeu si imam në xhaminë “Mustafa Pasha” në qendër të arshisë së vjetër. Lideri i Aletrnativës, Zeqirija Ibrahimi është shprehur se lajmin ër vdekjen e hafiz Sadudinit e ka pranuar me dhimbje të thellë.

Statusi i plotë i Ibrahimit në Facebook:

Të Zotit jemi dhe tek Ai do të kthehemi!

Me dhimbje të thellë e pranova lajmin e ndarjes nga jeta të hafizit tonë të dashur nga Shkupi, Hfz. Sadudin Sulejmani.

Shkupi sot humbi një dijetar, por trashëgimia e tij si hafiz do të mbetet një krenari për të gjithë ne.

Do ta kujtoj gjithmonë me pamjen karizmatike në mihrabin e Murat Pashës, duke i prirë xhematit me faljen e namazeve me hatme, një traditë që pakkush ia ka dalë ta bëjë ndër ne. Për shumë kohë hfz. Sada ynë do të mbetet i pazëvendësueshëm.

Duke e njohur dhe duke qenë të bindur se jeta e tij ishte Kurani, e lusim Zotin e Madhërishëm që shpirtin e tij kuranor ta pranojë në paqe dhe ta shpërblejë me xhenetet më të ndritura!