Gashi merr pjesë në hapjen e ekspozitës “Persekutimi komunist i hartuesve të alfabetit shqip dhe familjarëve” në ITSHKSH

Kryetari i Kuvendit, Afrim Gashi ka njoftuar se sot ka marrë pjesë në hapjen e ekspozitës “Persekutimi komunist i hartuesve të alfabetit shqip dhe familjarëve” në Institutin e Trashëgimisë Shpirtërore e Kulturore të Shqiptarëve.
“Në fjalën time të rastit, theksova rëndësinë e ballafaqimit me të kaluarën komuniste, veçanërisht krimet ndaj delegatëve të Kongresit të Manastirit dhe familjarëve të tyre. Theksova se si komb dhe shtet kemi nevojë të gjykojmë drejt komunizmin dhe të pranojmë pasojat e tij që vazhdojnë të ndihen edhe sot. Përgëzova këtë ekspozitë dhe urova që shoqëria jonë të jetë më aktive dhe e guximshme në ndriçimin e së vërtetës dhe pastrimin e ndërgjegjes kolektive”, ka deklaruar kryetari Gashi.