Financial Times: Izraeli para kolapsit ekonomik

Lufta e Izraelit kundër Gazas ka shkaktuar tronditje në ekonominë e tij prej 488 miliardë dollarësh, duke ndërprerë mijëra biznese, duke tensionuar financat publike dhe duke zhytur sektorë të tërë në krizë, raporton Financial Times, përcjell Alfax.

“Qeveria po i braktis njerëzit e saj,” tha Ron Tomer, kreu i Shoqatës së Prodhuesve të Izraelit.

Shumë prej prodhuesve nuk po kompensoheshin plotësisht për fitimet e humbura, shtoi ai:

“Ata do të pësojnë një tronditje të keqe në paketat e tyre të ardhshme të pagave.”

Rreth 350.000 rezervistë të ushtrisë izraelite – 8% e fuqisë punëtore – u thirrën ndërsa vendi u mobilizua për luftë, transmeton Alfax.

Ndërkohë, 126.000 civilë nga veriu dhe jugu i Izraelit janë zhvendosur në një përpjekje për t’i mbrojtur ata nga raketat dhe sulmet me mortaja të Hamasit nga Hizbollahu, lëvizja militante libaneze e mbështetur nga Irani.

Ministria e Punës thotë se 764.000 izraelitë – 18% e fuqisë punëtore – nuk po punojnë pasi janë thirrur për detyrë rezervë, janë evakuuar nga qytetet e tyre ose janë detyruar të kujdesen për fëmijët në shtëpi për shkak të mbylljes së shkollave.

Bie me 80% numri i fluturimeve nga aeroporti i Tel Avivit

Ndërkohë, që nga shpërthimi i konfliktit në Rripin e Gazës më 7 tetor, fluturimet në të dy drejtimet nga aeroporti ndërkombëtar “Ben Gurion” në Tel Aviv janë reduktuar për 80 për qind.

Sipas faqes së internetit “Secret Flights”, numri i fluturimeve, që dikur ishte rreth 500 në ditë, ka rënë në një mesatare prej 100 në ditë pas sulmit në Gaza.

Shumica e këtyre fluturimeve bëhet nga tri kompanitë ajrore izraelite, El Al, Arkia dhe Israir.

Sipas “Secret Flights”, gati 50 kompani ajrore kanë anuluar të gjitha fluturimet e planifikuara drejt dhe nga Izraeli që nga 7 tetori. /Alfax.mk/