Era e RMV do të sjellë nga 100 milion euro në vit

Një park me erë në pjesën lindore të vendit ndërmjet tri komunave Karbinci, Shtip dhe Radovish, do të jetë investimi i ri i huaj, promovimin e të cilit e bëri sot kryeministri Hristijan Mickoski. Në ditën e dytë të mandatit të qeverisë së re, një nga prioritetet e së cilës është efiçenca energjetike, promovohet një investim që sipas njoftimeve fillestare do të sigurojë afërsisht 20% të të gjithë prodhimit të energjisë elektrike në vend.

KryeminiVBstri bëri të ditur se investimi në parkun e erës është nga 400 deri në 450 milionë euro dhe është një projekt i rëndësishëm në portofolin e energjisë jo vetëm për atë rajon, por një projekt që do të përmirësojë ndjeshëm performancën e objekteve energjetike të shtetit.

“Për këtë projekt është e rëndësishme që të mos ketë ligj të veçantë, as çmim të garantuar, por një investitor që do të investojë dhe do ta vendosë produktin në tregun e lirë dhe ai treg do të diktojë nëse do të jetë për eksport apo do të përfundojë këtu në Maqedoni. Ajo që është shumë e rëndësishme është se do të sjellë 100 milionë euro shtesë në vit për qytetarët dhe P-në”, tha kryeministri dhe bëri të ditur se projekte të tilla do të ketë në të gjithë territorin e vendit.

Sipas njoftimeve, pas investimit qëndron “Alcazar Energy”, një fond infrastrukture me qendër në Luksemburg, me një ekip këshillues në Dubai. Ai është i fokusuar në projektet e energjisë së rinovueshme dhe e sheh Ballkanin Perëndimor si një destinacion tërheqës investimi, ndërsa rajoni përpiqet të largohet nga energjia e qymyrit që dëmton klimën.

Megjithatë, tranzicioni energjetik i vendit kërkon hapa të kujdesshëm dhe të mirëmenduar për shkak të ndikimit social tek njerëzit e angazhuar në objektet që përdorin qymyrin për të prodhuar energji elektrike dhe për të mos humbur prodhimin primar.