Amir Elezi: Instituti për Mjekësi të Transfuzionit i ka përmbush të gjitha nevojat e të lënduarve nga tragjedia në Koçan

“Këso lloj ngjarjesh dhe tragjedish janë sfida të vërteta për çdo lloj sistemi shëndetësor. Po ashtu edhe për tonin. Mirëpo, me krenari dhe mburrje mund të them se Instituti jonë i ka përmbush të gjitha nevojat dhe kërkesat të cilat i kanë pasur pacientët dhe të lënduarit gjatë trajtimit të tyre nëpër Klinikat e vendit. Më duhet të them se kjo është një përmbushje dhe një arritje e cila reflekton edhe punën tonë të mëparshme shkaku se në raste të këtilla kur ndodhin rastet hë për hë nuk është e mundur që të intervenohet. Prandaj, fakti që kemi pasur sasi të mjaftueshme të gjakut ka bërë të mundur që edhe sistemi shëndetësor të mos jetë në kolaps dhe të reagojnë në kohë të duhur për të trajtuar të gjithë pacientët të cilët janë trajtuar dhe po trajtohen në Klinikat e vendit”, deklaroi Elezi.