U miratuan ndryshimet për ndalimin e përdorimit të mjeteve piroteknike në hapësira të mbyllura

Kuvendi miratoi mbrëmë vonë në procedurë të përshpejtuar nëntë ligje, mes tyre edhe ndryshimet që ndalojnë përdorimin e piroteknikës në hapësira të mbyllura, si përgjigje ndaj tragjedisë në diskotekën “Puls” në Koçan, ku humbën jetën 59 persona.

Ndryshimet parashikojnë rritje të gjobave për shkelje, ndërsa përsëritja e shkeljes sjell edhe ndalim me burg. Policia do të ketë kompetenca të zgjeruara për parandalimin e prishjes së rendit publik.

U miratuan edhe ndryshime të tjera, përfshirë ato në ligjet për arsimin, subvencionimin e ushqimit studentor dhe sigurinë e shëndetin në punë. Nuk u pranuan amendamentet për rritjen e subvencionit për ushqimin studentor, ndërsa disa deputetë kritikuan ndryshimet në Ligjin për Arsimin Fillor.